Сабақтың тақырыбы: Төртбұрыштар

Сабақтың түрі: Білім мен дағдыны қорытындылау, жүйелеу сабағы

Сабақтың типі: аралас сабақ

Пәнаралық байланыс: геометрия мен информатика

Сабақтың мақсаты:

Білімділік мақсаты:

Геометрия бойынша: Төртбұрыштарға байланысты жалпы ұғымдарды меңгеріп, теоремаларды, анықтамаларды, қасиеттерді меңгерту;

Информатика бойынша: Оқушыларға мәтіндік редакторда графикалық объектілермен жұмыс істеу бойынша базалық білім беру;

Дамытушылық мақсаты:

Геометрия бойынша: Төртбұрыштар туралы, теоремаларды, анықтамаларды, қасиеттерді есеп шығаруға қолдануға үйрету;

Информатика бойынша: кестелерге мәтін енгізуді үйрету.

Тәрбиелік мақсаты:

Геометрия бойынша: Сызба түрінде көрсете білуге және өз ойын ортаға салып талқылауға үйрету;

Информатика бойынша: Эстетикалық талғамын қалыптастыру, нәтиже алуға және уақытты үнемдеуге дағдыландыру, графикалық бейнелеу жұмыстарын орындау арқылы бейнелік ойлау қабілетін дамыту.

Оқыту әдісі: Практикалық сабақ.RWCT әдістемесі.

Сабақта қолданылатын стратегиялар: топтастыру, ой-толғаныс, кубизм, семантикалық карта, Венн диаграммасы.

Оқыту формалары: жеке, ұжымдық.

Көрнекілігі: интерактивті тақта, слайд (MS Word, MS PowerРoint, MS Excel программалары)

Бағалау: Оқушылардың орындаған практикалық жұмысы MS Excel программасы арқылы бағаланады:

Сабақтың барысы: Ұйымдастыру сәті. Әр оқушының өзіне бекітілген компьютермен жұмыс жасауға дайындығын тексеріп, назарын сабаққа аудару. Әр оқушы өзі отырған компьютерге атын жазады да ENTER-ді басады. Сосын экранда әр оқушының аты шығып тұрады.

І. Қызығушылықты ояту.

1. Кластер толтыру (І топ: Төртбұрыш элементтері, ІІ топ: Төртбұрыш түрлері) Интерактивті тақтаның көмегімен кластер толтырады.

2. Сөзжұмбақ шешу

Компьютермен жұмысты бастау алдында төмендегі сұрақтарға жауап беріледі:

1. Word мәтіндік редакторын іске қалай қосады?

2. Құжатты қалай сақтаймыз?

3. Құжатты қалай ашамыз?

Сосын жұмыс үстелінде орналасқан MS Word мәтіндік редакторындағы «Сөзжұмбақ» атты файлды ашып, оқылған сұрақ бойынша толтырады.

Сөзжұмбақ шешу

Төртбұрыштар ұғымын қаншалықты меңгергенін білу үшін төмендегі сөзжұмбақ шешіледі:

1. Барлық қабырғасы тең тік төртбұрыш

2. Барлық бұрышы тік болатын төртбұрыш

3. Барлық қабырғасы тең болатын параллелограмм

4. Екі қабырғасы параллель болатын төртбұрыш

5. Бір нүктесі ортақ екі сәуледен құралған геометриялық фигура

6. Тіктөртбұрыштың еніне іргелес жатқан қабырға

7. Қарама – қарсы қабырғалары қос-қостан параллель болатын төртбұрыш

8. Қазақтың байырғы өлшем бірлігі

9. Айналдырса оны егер

Шар болады кемеңгер

Ерекше нүктесі бар,

Ол қай нүкте демеңдер.

ІІ. Мағынаны ажырату:

1. Кубизм стратегиясы бойынша сұрақтар беріп, төртбұрыштар тақырыбын еске түсіріп зерттейді. Орындалған тапсырманың жауабын ауызша айтады.

1. анықтама беріңіз (Қандай фигура төртбұрыш деп аталады?)

2. сызбасын салыңыз (Төртбұрыштың қандай түрлерін білесіңдер?)

3. формуласын жазыңыз (Ауданын, периметрін есептейтін формула)

4. өз ойыңызбен байланыстырыңыз (мысалдар келтіріңіз)

5. Квадрат пен тіктөртбұрыш (айырмашылығы мен ұқсастығын салыстырыңыз)

6. Ромб мен параллелограмм (айырмашылығы мен ұқсастығын салыстырыңыз)

2. Берілген жауаптарды слайдтың көмегімен толықтырып еске түсіру.

3. Есептер шығару (әр оқушы компьютердің көмегімен хабарлама арқылы үлестірілген есептерді шешіп, сол хабарлама арқылы жауап береді)

1. Тіктөртбұрыштың ауданы 30 см², ал ұзындығы 6 см болса ені неге тең? (5 см)

2. Параллелограмның бір қабырғасы 2 см, екіншісі одан 4 см артық болса, периметрі неге тең? (16 см)

1. Трапецияның табандары 4 см және 6 см болса, орта сызығын тап. (5 см)

2. Ромбының периметрі 60 см болса, оның қабырғаларын тап. (15см)

3. Ромбының диагоналдары 6 см және 8 см болса, оның ауданы неге тең? (24 см)

4. Параллелограмның бір бұрышы 30⁰ болса, қалған бұрыштарын тап? (150⁰, 30⁰, 150⁰, 30⁰)

5. Квадраттың қабырғасы 4см ауданын тап. (16 см²)

6. Тіктөртбұрыштың бір қабырғасы 4 см, ал екінші қабырғасы одан 2 есе ұзын болса, оның ауданын тап? (32 см)

7. Тік төртбұрыштың қабырғалары 3 см және 4 см диагоналын тап (5 см)

8. Ромбының диагональдары 6 см және 8 см болса, қабырғасын тап (5 см)

9. Ромбының бір қабырғасы 5 см болса периметрі қанша? (20 см)

10. Квадраттың бір қабырғасы 10 см болса, периметрі қанша? (40 см)

11. Параллелограмның табаны 10 см, ал биіктігі 6 см болса ауданын тап (60 см²)

12. Трапецияның табандары 6 см және 8 см, ал биіктігі 4 см болса ауданын тап. (28 см²)

4. Семантикалық карта. (Оқушылар «+» және «-» таңбаларын керекті орынға қоя отырып, кестені толтырады) Бұл кестені Ашу үшін жұмыс үстеліндегі «Семантикалық карта» атты файлды екі рет шерту керек.

ІІІ. Ой толғаныс.

Венн диаграммасын толтыру

Тіктөртбұрыш Параллелограмм

Ортақ қасиеттері

Үйге тапсырма: Ромб және шаршыға Венн диаграммасын құру.

Бағалау.