Қазақстан Республикасы Білім және ғылым министрлігінің бұйрығы №163

2011 жылғы 27 сәуір №163  Астана қаласы

Қазақстан Республикасының жалпы  орта білім беретін ұйымдарында 2011-2012 оқу жылының басталуы туралы

«Білім туралы» Қазақстан Республикасының 2007 жылғы 27 шілдедегі Заңының 5-бабының 14) тармақшасына сәйкес  бұйырамын:

1. Меншік нысандарына және ведомстволық бағыныстылығына қарамастан жалпы орта білім беру ұйымдарында 2011-2012 оқу жылының басталу  мерзімі 2011 жылғы 1 қыркүйек  болып  анықталсын.

Оқу жылының ұзақтығы мектепалды дайындық сыныптарында – 32 оқу аптасын, бірінші сыныптарда – 33 оқу аптасын,  2-11(12)-сыныптарда – 34 оқу аптасын құрайды. Оқу жылы барысында каникулдар:

- 1-11(12) -сыныптарда: күзгі каникул – 8 күн (5-12 қарашаны қоса алғанда), қысқы – 10 күн     (30 желтоқсан – 8 қаңтарды қоса алғанда),  көктемгі – 12 күн  (21 наурыз – 1 сәуірді қоса алғанда);

- мектепалды даярлық сыныптарында:  күзгі каникул – 8 күн (5-12 қарашаны қоса алғанда), қысқы – 14 күн   (28 желтоқсан – 10 қаңтарды қоса алғанда),  көктемгі – 15 күн  (21 наурыз – 4 сәуірді қоса алғанда);

- мектепалды даярлық сыныптары мен бірінші сыныптарда: қосымша каникул – 7 күн (2 – 8 ақпанды қоса алғанда) мерзімінде  белгіленеді.

2.  2011 жылғы  1  қыркүйекте барлық жалпы орта білім беру ұйымдарында  Қазақстан Республикасының Тәуелсіздігінің 20 жыл толуына арналған «Тәуелсіз Қазақстан: бейбітшіліктің, келісімнің және жасампаздықтың             20 жылы» тақырыбында сабақ өткізілсін.

3. Мектепке дейінгі және орта білім департаменті (Б.С. Кәрімжанов):

1) осы бұйрықтың белгіленген тәртіппен Қазақстан Республикасы Әділет министрлігінде мемлекеттік тіркелуін;

2) мемлекеттік тіркеуден өткеннен кейін осы бұйрықтың бұқаралық ақпарат құралдарында ресми жариялануын қамтамасыз етсін.

4. Осы бұйрық ресми жарияланған күнінен бастап қолданысқа енгізіледі.

5. Осы бұйрықтың орындалуын бақылау Мектепке дейінгі және орта білім департаментінің директоры  Б.С. Кәрімжановқа жүктелсін.

Министр    Б. Жұмағұлов

Ұқсас тақырыптар:

• Информатика 9-сынып. Тақырыптық-күнтізбелік жоспар 2011-2012.
• Информатикадан 7-сыныпқа арналған тереңдетілген курс жоспары (102 сағат).
• Информатика 7-сынып. Тақырыптық-күнтізбелік жоспар. 2011-2012 оқу жылы.
• Информатика 8-сынып. Тақырыптық-күнтізбелік жоспар. 2011-2012 оқу жылы.
• Инф. 10-сынып. Тақырыптық-күнтізбелік жоспар (жаратылыстану бағыты) 2011-2012.
• Информатика. ГОСУДАРСТВЕННЫЕ ОБЩЕОБЯЗАТЕЛЬНЫЕ СТАНДАРТЫ СРЕДНЕГО ОБЩЕГО ОБРАЗОВАНИЯ РЕСПУБЛИКИ КАЗАХСТАН
• Информатика-8. Microsoft Excel программасын қайталау.
• Информатика 10-сынып. Тақырыптық-күнтізбелік жоспар (бағдарлы курс) 2011-2012.
• Инф. 11-сынып. Тақырыптық-күнтізбелік жоспар (қоғамд.-гуманит. бағыт) 2011-2012.
• Информатика. Толық жасалған күнтізбелік жоспар. 7-8-9-сынып. І-жарты жылдық.