Орақова Айдана. Жамбыл обл. Шу қаласы, “Жібек Жолы” мектеп-лицейі.

Жорғала , кәне, қаламым ,
Өзіңді енді қаладым .
Сен арқылы жырлайын
Көркін сұлу даламның .
Ғажаптығын қаламның
Жерім жаман демеспін ,
Елім жаман демеспін
Жаным тірі тұрғанда
Мұқата алмас мені ешкім .
Елге жетсе өлеңім ,
Қабыл алса оны елім .
Көрсе ұрпақ өнерін
Армансызбын дер едім .

***********

Поэзия!
Жанымның бір бөлшегі
Жаман атқа қалдырмаспын мен сені
Күресемін соңғы демім біткенше
Төзімнің таусылғанша ең шегі …
Сенсің менің жанымды шын ұғатын
Ақыл берер , бойымдағы қуатым
Осыменен заман ақыр болмайды
Келер кезек , жақсы күндер туатын !

**********

Туған жердің туы биік болсын деп
Жері егінге , қыры – малға толсын деп
Еңбек етсем жанымды бір аямай
Ел басына бақыт құсы қонсын деп .
Кешір мені білместігім болса егер ,
Еткен ісің еңбегіңмен өлшенер .
Туған жердің туын көкке көтерді
Көп адамдар мен сүйенер , мен сенер.

***********

Бір ауыз сөз адамдарға керегі ,
Бір ауыз сөз бойыңа күш береді .
Бір ауыз сөз дертіңді де емдейді ,
Бір ауыз сөз қиялымды тербейді .
Бір ауыз сөз оқ боп тесіп жүректі ,
Екінші рет тұрмастай ғып жерлейді .
Бір ауыз сөз жетпей жатыр тағы да ,
Бір ауыз сөз азық болар жаныма .

Ұқсас тақырыптар:

None Found